Sansar News
संयुक्त राष्टसङ्घ । संयुक्त राष्ट्रसङ्घका महासचिव एन्टोनियो गुटरेसले सिरियाका लागि सहयोग गर्न आग्र्रह गरेका छन् । सिरियाका लागि मानवीय सहायता आवश्यक रहेकाले त्यसका लागि आवश्यक सहयोग गर्न आग्रह गरेका हुन् ।
बुधबार उनले सिरियाका नागरिकलाई जीविकाका लागि नै सहयोग गर्नुपर्ने भएकाले त्यसका लागि आवश्यक सहयोग रकम उपलब्ध गराउन माग गरेका हुन् ।
संयुक्त राष्ट्रसङ्घीय सुरक्षा परिषद्मा बुधबार महासचिव गुटरेसले विश्व समुदायलाई नै सो आग्रह गरेको समाचारमा जनाइएको छ ।
उनले सिरियाली नागरिकको जीवन बचाउने योजनाका लागि संयुक्त राष्ट्रसङ्घले केही कार्यक्रम बनाएको र त्यसका लागि यस वर्षमात्र कम्तीमा पनि चार करोड ४० लाख अमेरिकी डलर रकम चाहिएको बताए ।
सो रकम सिरियाली नागरिकको जीवन बचाउनका लागि अत्यावश्यक पर्ने मानवीय सहयाताका लागि मात्र आवश्यक रहेको उहाँले जानकारी दिए । साथै उनले यसबाहेक पनि सिरियामा बाहिरबाट आएका शरणार्थी तथा सिरियाबाट भागेर बाहिरिएका शरणार्थीका लागि पनि थप ६.१ मिलियन डलर आवश्यक रहेको उनले बताए ।
यो सबै गरेर सन् २०२२ का लागि मात्र सिरियाका लागि एक करोड पाँच लाख अमेरिकी डलर आवश्यक रहेको जानकारी दिए ।
विगत लामो समयदेखिको आन्तरिक विद्रोह तथा यहाँ परेको खडेरी आदि कारणले गर्दा सिरियाको आर्थिक अवस्था निकै नाजुक रहेको र यहाँका बालबालिकासमेत कुपोषणको शिकार हुँदैै गएका बताउँदै उनले यस्तो अवस्थामा सिरियाका लागि विशेषतःमानवीय सहयता चाहिएको पनि सो बैठकमा जनाए । (रासस÷सिन्ह्वा)
वि.सं.२०७९ भदौ ३० बिहीवार २०:३९ मा प्रकाशित
