हामी सबैकाे संसारन्यूज

काठमाडौं । काठमाडौं महानगरपालिकाले डेंगु संक्रमितका लागि २४ घण्टे हटलाइन सेवा सुरु गरेको छ ।

काठमाडौं उपत्यकामा डेंगुका संक्रमित बढ्दै गएपछि महानगरले २४ घण्टे हटलाइन सेवा सुरु गरेको हो । साथै डेंगु संक्रमितले आवस्यक परेमा ऐम्बुलेन्स सेवाका लागि १०२ मा फोन गर्न सक्नेछन् ।

महानगरका मेयर बालेन्द्र शाहले सूचना जारी गर्दै भनेका छन्–डेङ्गु संक्रमितहरुका लागि आजबाट २४ घण्टे हटलाइन सुरु गरेका छौँ । संक्रमित भए वा भएको शंका लागेमा तपाईले ११८० मा कल गरेर स्वास्थ्यकर्मीहरुबाट नै परामर्श पाउन सक्नु हुनेछ । त्यस्तै आवश्यक भएमा १०२ मा कल गरेर महानगरको निशुल्क एम्बुलेन्स सेवा लिन सक्नु हुनेछ । यो सँगै डेङ्गु विरुद्धमा टोल टोल वा सामूदायीकरुपमा नै सक्रिय भएर लाग्न पनि हामी हार्दिक अपिल गर्दछौँ ।’