हामी सबैकाे संसारन्यूज

काठमाडौं । नेपाल टेलिकमले बोनससहितको दशैँ अफर ल्याएको छ । टेलिकमले आज असोज ९ गतेदेखि विभिन्न डाटा र भ्वाइस प्याक तथा रिचार्ज गर्दा बोनससहितको दशैँ अफर ल्याएको हो ।

दशैंका अवसरमा उक्त अफरहरु असोज २३ गतेसम्म उपलब्ध हुने कम्पनीले जनाएको छ । कम्पनीका अनुसार डाटा प्याकअन्तर्गत २ सय ९४ रुपैयाँमा २० जीबी डाटा १० दिनभित्र र ९८ रुपैयाँमा ६ जीबी डाटा ३ दिनभित्र प्रयोग गर्न सकिने अफर उपलब्ध हुनेछ । साथै, १ दिनका लागि अनलिमिटेड प्रयोग गर्न सकिने १ एमबीपीएसको डाटा प्याक र अननेट अनलिमिटेड भ्वाइस प्याक जम्मा ४९ रुपैयाँमा उपलब्ध हुने कम्पनीले जनाएको छ । कम्पनीले यी प्याकहरु जुनसुकै समय प्रयोग गर्न सकिने जनाएको छ ।

त्यसैगरी, अफर प्राप्त हुने अवधिमा एमपोसमार्फत रिचार्ज गर्दा बोनसको रुपमा डाटा प्याक उपलब्ध हुने कम्पनीले जनाएको छ । साथै, २ सय रुपैयाँदेखि ४ सय ९९ रुपैयाँसम्म रिचार्ज गर्दा २ दिनभित्र प्रयोग गर्न सकिने ५०० एमबी र ५ सय रुपैयाँभन्दा बढीको रिचार्ज गर्दा ४ दिनभित्र प्रयोग गर्न सकिने १ हजार २४ एमबी डाटा प्याक उपलब्ध हुने कम्पनीले जनाएको छ ।

कम्पनीका अनुसार पहिलो पटक भोल्टे सेवा सब्सक्राइब गर्ने सेवाग्राहीका लागि २८ दिनसम्म प्रयोग गर्न सकिने २०० मिनेटको निःशुल्क भ्वाइस ओभर एलटीई (भोल्टे) सेवा पनि उपलब्ध गराइएको छ ।

प्याकेजहरु प्राप्त गर्नका लागि ग्राहकले स्टार१४१५ह्यास डायल गर्नु पर्ने कम्पनीले जनाएको छ । कम्पनीको ‘नेपाल टेलिकम’ एपबाट पनि यस सम्बन्धी जानकारी लिन र सेवा खरिद गर्न सकिने कम्पनीले जनाएको छ ।