हामी सबैकाे संसारन्यूज

सुर्खेत । नबिल बैंकले सुर्खेतको बराहताल, रानीघाटमा पहिलो शाखारहित बैंकिङ सेवाको सुरुवात गरेको छ ।

बराहताल गाउँपालिकाका अध्यक्ष भिमबहादुर भण्डारी र बैंकका वरिष्ठ नायब प्रमुख कार्यकारी अधिकृत सुजित कुमार शाक्यले संयुक्तरुपमा एकैसाथ प्रतिनिधि मनोज कुमार थापालाई बिएलबि मेसिन र प्रमाण पत्र हस्तान्तरण गरेर शाखारहित बैंकिङ सेवाको सुरुवात गरेका थिए ।

कार्यक्रमका गाउँपालिका अध्यक्ष भण्डारीले बैंकको शाखारहित बैंकिङ सेवाले नागरिकमा वित्तीय पहुँच पु¥याउन सहयोग गर्ने बताए ।

उनले बैंकहरुको सेवाले गाउँ ठाउँमा विकासको लहर ल्याउने बताए । कार्यक्रममा बोल्दै बैंक वरिष्ठ नायब प्रमुख कार्यकारी अधिकृत शाक्यले बैंक देशको हरेक ग्रामीण भेगमा वित्तीय पहुँच पु¥याउन हरदम तत्पर रहेको बताए ।

शाखारहित बैंकिङ्ग सेवामार्फत् खाता खोल्न, खातामा नगद जम्मा तथा भुक्तानी गर्न, रकमान्तर गर्न, ग्राहकको खातामा रहेको रकमको सोधपुछ साथै कारोबारको संक्षिप्त विवरण हेर्न, विप्रेषण भुक्तानी गर्न, कर्जा रकम भुक्तानी गर्न तथा किस्ता रकम जम्मा गर्न साथै विभिन्न सेवाहरुको भुक्तानी गर्न सकिन जनाएको छ ।

नबिल बैंकले दिगो बैंकिङ्ग कार्यक्रमअन्तर्गत देशका विभिन्न ठाउँहरुमा वित्तीय पहुँच पु¥याउने र डिजिटाइजेशनलाई बढावा दिने उद्देश्यले शाखारहित बैंकिङ्ग सेवाको सुरुवात गरेको जनाएको छ ।