Sansar News
काठमाडौं । विवेकशील साझा परित्याग गरेका रविन्द्र मिश्र, राजेन्द्र लिङ्देन नेतृत्वको राप्रपामा प्रवेश गरेका छन् ।
बुधबार दिउँसो राष्ट्रियसभा गृहमा आयोजित एक कार्यक्रमका बीच मिश्रसहितको टिम राप्रपामा प्रवेश गरेको हो ।
उक्त एकता घोषणा अनुसार मिश्र राप्रपाको वरिष्ठ उपाध्यक्ष हुनेछन् भने मिश्रसँगै राप्रपामा आएका अन्य नेताहरुलाई एक हप्ताभित्रमा कार्यसम्पादन समिति, पदाधिकारी र केन्द्रीय समितिमा समायोजन गरिने गरी लिङदेन र मिश्रले टुंग्याउनेछन् ।
सोहि घोषणासभामा प्रदेश र अन्य तहको समितिको समायोजन गर्नका लागि ४ सदस्यीय कार्यदल समेत बनाइएको बताइएको छ ।
वि.सं.२०७९ असोज १२ बुधवार १४:५६ मा प्रकाशित
