हामी सबैकाे संसारन्यूज

काठमाडौं । कामना सेवा विकास बैंकले आफ्ना डेबिट तथा क्रेडिट कार्ड सेवाग्राहीहरुलाई डिजिटल बैकिङ्ग सेवा प्रदान गर्ने उदेश्यले डेबिट तथा क्रेडिट कार्डमा इ-कमर्स सुविधा समावेश गरेको छ । बैंकले असोज १० गते देखि यो सुविधा लागू गरेको हो ।

बैंकका अनुसार बैंकका कार्ड सेवाग्राहीहरुले अनलाईन मार्फत सामान खरिद गर्दा आफ्नो इ-कमर्स सक्रिय डेबिट वा क्रेडिट कार्ड मार्फत सजिलै भुक्तानी गर्न सक्नेछन् । साथै, बैंकका डेबिट तथा क्रेडिट कार्ड प्रयोगकर्ताहरुले आफ्नो कार्ड मार्फत यो सुविधा लिन आफ्नो नजिकैको शाखामा गई सजिलै सुविधा सुचारु गराउन सक्नेछन् ।

त्यसैगरी, बैंकका डेबिट तथा क्रेडिट कार्ड प्रयोगकर्ताहरुले चाडपर्वको अवसरमा इ-कमर्स सक्रिय कार्ड मार्फत सस्तोडिलमा अनलाईन किनमेल गर्दा २० प्रतिशत वा २ हजारसम्मको नगद छुटको लाभ लिन सक्नेछन् ।

बैंकले डिजिटल कारोबारलाई प्रवर्धन गर्ने उद्देश्यले यो सुविधा ल्याएको जनाएको छ ।