हामी सबैकाे संसारन्यूज

अमेरिका । अमेरिकाको भर्जिनियास्थित मनासस शहरमा गाडीले ठक्कर दिंदा एक नेपालीको मृत्यु भएको छ ।

पारिवारिक श्रोत तथा साथीभाईका अनुसार मोरङ्ग सुन्दर हरैचा स्थायी घर भै बिगत १४–१५ बर्ष देखि भर्जिनियाको आर्लिंगटन शहरबाटकेही समय अगाडी मात्र मनाससमा घर खरिद गरि सरेका थिए ।

गत बुधबार भएको दुर्घटनामा उनि निकै गम्भीर अवस्थामा भएकोले उनलाई हेलीकप्टरबाट अस्पताल लगिएको समेत स्थानीय पत्रिका डब्लुयुएसए९ ले उल्लेख गरेको थियो ।

भर्जिनियाको प्रिन्स विलियम काउन्टी प्रहरीका अनुसार उनलाई नाजुक अवस्थामा हेलिकप्टबाट अस्पताल भर्ना गरिएको थियो ।

प्रिन्स विलियम काउन्टी प्रहरी विभागका अनुसार गत बुधबार राती उनलाई कारले ठक्कर दिएको थियो । मनासस शहरको सडली म्यानोर र स्कोफिल्ड वे नामक सडकको बीचमा करिव ९ः३० बजे उक्त दुर्घटना भएको डब्लुयुएसए९ ले जनाएको छ ।

विभागका जन सूचना अधिकारीले अस्पताल उडाउन्जेलसम्म उनि होशमा रहेका थिए । उनको स्वास्थ्य अवस्था नाजुक रहेको समेत उनले बताएका थिए । प्रहरीले दिएको जानकारी अनुसार बिहिबार बिहान सम्म उनि अस्पतालमै रहेको समेत पत्रिकाले उल्लेख गरेको थियो ।

गाडीले ठक्कर दिने चालक घटनास्थलमै रहेको र अनुसन्धानमा प्रहरीलाई सहयोग गरेका थिए । घटनापछि कैयौ घण्टासम्म उक्त क्षेत्रक सडक बन्द गरिएका थिए ।