Sansar News
काठमाडौं । नेकपा (एमाले)का नेता बालकृष्ण ढुंगेलको निधन भएको छ । शनिबार बिहान काठमाडौं काँडाघारीस्थित आफ्नै निवासमा उनी मृत भेटिएका हुन् ।
काठमाडौं प्रहरी प्रमुख भरतबहादुर बोहराले जानकारी दिएअनुसार काँडाघारीस्थित उनी बस्दै आएको घरको बाथरुममा चिप्लिएर उनको मृत्यु भएको । उनको मृत्यु भएको खबर पाउनासाथ अनुसन्धानका लागि प्रहरी काँडाघारी जाँदै गरेको उनले बताए ।
ओखलढुंगाका ढुंगेल २०६४ सालमा तत्कालीन नेकपा माओवादीबाट सभासद् भएका थिए । एमाले पोलिटब्युरो सदस्य ढुंगेल नेकपा विभाजनपछि एमालेमै बसेका थिए ।
सशस्त्र युद्धकालमा ओखलढुंगाका उज्जनकुमार श्रेष्ठ हत्या अभियोगमा सर्वोच्च अदालतबाट दोषी ठहर भई जेल सजाय भोगेका उनी २०७५ सालमा गणतन्त्र दिवसका अवसरमा रिहा भएका थिए ।
वि.सं.२०७९ असोज २२ शनिवार १३:४० मा प्रकाशित
