Sansar News
काठमाडौं । सभामुख अग्निप्रसाद सापकोटाले मंसिर ४ को निर्वाचन नलड्ने घोषणा गरेका छन्। शनिबार सिंहदरबारमा पत्रकार सम्मेलन गरेर उनले आफू उम्मेदवार नबन्ने घोषणा गरेका हुन्।
युवाहरूलाई मौका दिन आफू पछि हटेको सापकोटाले बताएका छन् ।
“सिन्धुपाल्चोक १ मा मेरो नाम सिफारिस पनि भएको थियो, गठबन्धन भएकोले जित्ने सम्भावना पनि थियो तर, युवालाई अगाडि बढाउनुपर्छ भनेर मैले यो निर्णय गरेको हुँ, म फरक भूमिकाबाट काम गर्नेछु”, उनले भनेका छन् ।
२०६४, २०७० मा संविधानसभामा सिन्धुपाल्चोक २ बाट प्रत्यक्ष निर्वाचित भएका उनी २०७४ मा सिन्धुपाल्चोक १ बाट सांसद चुनिएका थिए । यस पटक पनि उनी टिकटका आकांक्षी थिए । माओवादीले सापकोटासँगै माधव सापकोटाको नाम सिफारिस गरेको थियो ।
वि.सं.२०७९ असोज २२ शनिवार १५:०२ मा प्रकाशित
