Sansar News
काठमाडौं । आगामी मंसिर ४ गते हुने प्रतिनिधिसभा र प्रदेशसभाको निर्वाचनका लागि आज मनोनय दर्ता गर्ने कार्यक्रम रहेको छ ।
सोहि अनुसार संचारकर्मी तथा राष्ट्रिय स्वतन्त्र पार्टीका संयोजक रवी लामिछाने प्रतिनिधिसभामा उम्मेदवारी दर्ताका लागि चितवन पुगेका छन् ।
यसअघि चितवनमा प्रचण्डसँगै चुनाव लड्ने बताउँदै आएका लामिछानेले चितवनका २ क्षेत्रमध्ये कुनमा उम्मेदवारी दिने भन्ने निर्णयमा भने पुगेका छैनन् । उनले आज दिनभरी आफ्ना शुभेच्छुकहरुसँग परामर्श गरेर दिउसो ३ बजेसम्ममा मनोनयनपत्र दर्ता गर्ने बताइएको छ ।
लामिछानेले सँगै चुनाव लड्ने भनेका नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ गोरखाबाट चुनाव लड्ने भएका छन् ।
वि.सं.२०७९ असोज २३ आइतवार १०:०४ मा प्रकाशित
