Sansar News
काठमाडौं । एमाले छाडी स्वतन्त्र उम्मेदवारी घोषणा गरेका नेता घनश्याम भुसाललाई माओवादी केन्द्रले सघाउने भएको छ । रुपन्देही–१ बाट स्वतन्त्र उम्मेदवारी घोषणा गरेका भुसाललाई सघाउन माओवादी केन्द्रले उक्त क्षेत्रमा उम्मेदवारी नउठाउने भएको छ ।
माओवादीले भुसाललाई सघाउन पूर्वसभामुख घर्तीलाई काठमाडौं–२ बाट उठाउने भएको छ ।
भुसालले स्वतन्त्र उम्मेदवारी घोषणा गरेसँगै माओवादी अध्यक्ष प्रचण्डले पूर्वसभामुख घर्तीलाई काठमाडौं–२ बाट उठ्न आग्रह गरेका थिए । २०६४ मा झक्कुप्रसाद सुवेदीले जितेको काठमाडौं–२ मा त्यसयता माओवादीका कुनै पनि उम्मेदवारले जितेका छैनन् ।
पूर्वसभामुख घर्ती माओवादी केन्द्रको लुम्बिनी प्रदेश अध्यक्षसमेत हुन् । उनले रुपन्देही–१ मा आफ्नो उम्मेदवारी सहज मानेकी थिइन् ।
वि.सं.२०७९ असोज २३ आइतवार १२:१५ मा प्रकाशित
