Sansar News
काठमाडाैं । नेकपा (एमाले)ले चितवन क्षेत्र नम्बर ३ बाट उम्मेदवारी फिर्ता लिएको छ । बुधबार एमाले अध्यक्ष केपी शर्मा ओलीले पत्र पठाएर आफ्ना पार्टीका उम्मेदवार रामप्रसाद न्यौपानेको उम्मेदवारी फिर्ता लिएका हुन् ।
न्यौपाने एमाले चितवनका अध्यक्षसमेत हुन् ।
चितवन ३ मा सत्ता गठबन्धनले नेकपा माओवादी केन्द्रका डा. भोजराज अधिकारीलाई उम्मेदवार बनाएको छ । गठबन्धनबाट अधिकारी उम्मेदवार बनेसँगै कांग्रेसका दिनेश कोइरालाले पनि बागी उम्मेदवारी दिएका छन् ।
चितवन ३ मा पूर्वकांग्रेस नेता जगन्नाथ पौडेलले पनि स्वतन्त्र उम्मेदवारी दिएका छन् । राप्रपाका वरिष्ठ उपाध्यक्ष विक्रम पाण्डेले पनि चितवन-३ मा उम्मेदवारी दिएका छन् ।
एमालेले उम्मेदवारी फिर्ता लिए पनि कसलाई समर्थन गर्ने भन्ने औपचारिक जानकारी भने सार्वजनिक गरेको छैन । कांग्रेसका बागी उम्मेदवार काेइराला र राप्रपाका उम्मेदवार पाण्डेले एमालेकाे समर्थन आफुँलाई रहने दाबी गरेका छन् ।
वि.सं.२०७९ असोज २६ बुधवार १४:४८ मा प्रकाशित
