Sansar News
काठमाडौं । सरकारी कर्मचारीले बिदा बस्दा अनिवार्यरुपमा मन्त्रालयबाट स्वीकृति गराउनुपर्ने भएको छ ।
संघीय मामिला तथा सामान्य प्रशासन मन्त्रालयले एक सूचना जारी गर्दै मन्त्रालयबाट स्वीकृत गराएर मात्र बिदा बस्न निर्देशन दिएको हो ।
मन्त्रालयले ७५३ वटै स्थानीय तह ७७ वटै जिल्ला समन्वय समितिलाई परिपत्र गर्दै कर्मचारीले बिना सूचना बिदा नबस्न निर्देशन दिएको हो ।
‘पूर्वस्वीकृति र जानकारीबिना जिल्ला तथा कार्यक्षेत्र छाडेर सेवा प्रवाहमा असर परेको गुनासो आएकोले अबदेखि यस मन्त्रालयको पूर्वस्वीकृति बेगर जिल्ला र कार्यक्षेत्र नछाड्न अनुरोध छ । मन्त्रालयका उपसचिव रबिन्द्रजंग थापाद्धारा जारी सूचनामा भनिएको छ ।
वि.सं.२०७९ पुस ४ सोमवार ०९:१६ मा प्रकाशित
