ओखलढुंगा । १० वर्षीया बालिकालाई जबरजस्ती करणी गरेको आरोपमा ६८ वर्षीय वृद्द पक्राउ परेका छन् ।
प्रहरीका अनुसार चम्पादेवी गाउँपालिका–३ सिल्कु बेसी बस्ने ६८ वर्षीय शुक्र बहादुर मगर बिहीबार दिउँसो पक्राउ परेका हुन् ।
शुक्र बहादुरले ती बालिकालाई मंसिर २२ गते साँझ सोही ठाउँस्थित खेतको मतानमा जबरजस्ती करणी गरेको भन्ने उजुरीको आधारमा प्रहरी चौकी पलापुबाट खटिएको प्रहरीले उनलाई पक्राउ गरेको हो । यस सम्बन्धमा थप अनुसन्धान गरिरहेको प्रहरीले जनाएको छ ।
वि.सं.२०७९ पुस ८ शुक्रवार १४:३७ मा प्रकाशित






























