Sansar News
काठमाडौं । राष्ट्रपति विद्यादेवी भण्डारीले दुई वा दुई दल मिलेर सातदिनभित्रमा सरकार गठनका लागि गरेको आव्हानको समयसीमा आज अपरान्ह ५ बजे सकिर्दैछ ।
यसबीचमा कांग्रेस–एमाले लगायतका दलहरु आफ्नो नेतृत्वमा सरकार गठनका लागि बहुमत जुटाउने दौडधुपमा लागि रहेका छन् ।
यसैबीच राष्ट्रिय प्रजातन्त्र पार्टीका अध्यक्ष राजेन्द्र लिङदेन पनि बालकोट पुगेका छन् । राप्रपा प्रवक्ता मोहन श्रेष्ठका अनुसार उनी राजनीतिक छलफलका लागि बालकोट पुगेका हुन् ।
राप्रपाका तर्फबाट प्रत्यक्ष र समानुपातिक गरी १४ जना सांसद छन् । साथै माओवादीका शिर्ष नेताहरु पनि बालकोटमै छलफलमा रहेको बताइएको छ ।
शनिबारसम्म सत्ता गठबन्धनकै नेतृत्वमा सरकार गठन हुने र त्यसमा साना दल पनि सामेल हुने विषयमा छलफल भइरहेका बेला आइतबार बिहान भने गठबन्धनबीच भने राष्ट्रपति र प्रधानमन्त्रीका विषयमा सहमत नजुट्दा गठबन्धन तोडिनेतर्फ पुगेको छ ।
वि.सं.२०७९ पुस १० आइतवार १४:२३ मा प्रकाशित
