हामी सबैकाे संसारन्यूज

काठमाडौं । प्रधानमन्त्री पुष्पकमल दाहाल प्रचण्ड र नेकपा (एमाले)का अध्यक्ष केपी शर्मा ओलीबीच ‘वान टु वान’ वार्ता भएको छ । प्रधानमन्त्रीको सरकार निवास बालुवाटारमा शुक्रबार दुई घण्टा जति वान टु वान वार्ता भएको हो ।

प्रचण्डको सचिवालयले जनाएअनुसार विशेषगरी मन्त्रिपरिषद् विस्तार, प्रदेशहरुका सरकार गठन र न्यूनतम साझा कार्यक्रमबारे छलफल भएको थियो ।

सोमबार एमालेसहितका विभिन्न सात दलको सहयोगमा सरकार गठन गरेपनि प्रधानमन्त्री प्रचण्डले मन्त्रिपरिषदलाई पूर्णंता दिएका छैनन् । साथै, दलहरुबीच प्रदेश सरकारको गठनबारे औपचारिक छलफल नै प्रारम्भ भएको छैन ।

प्रधानमन्त्रीमा नियुक्त प्रचण्ड विश्वासको मत लिएपछि मात्रै मन्त्रिपरिषद् विस्तारको योजनामा देखिन्छन् । उनले प्रदेशगत संरचनाको विषयमा पनि सोहीअनुसार योजना बनाएको बुझिन्छ ।

तर, एमालेका अध्यक्ष केपी शर्मा ओली भने सरकारलाई पूर्णंता दिने योजनामा देखिन्छन् । पछिल्ला भेटवार्ता तत्कालै मन्त्रिपरिषद् विस्तार र प्रदेश सरकार गठनबारे केन्द्रीत रहेको बुझिएको छ ।