Sansar News
काठमाडौं । प्रधानमन्त्री पुष्पकमल दाहाल प्रचण्ड र नेपालका लागि भारतीय राजदूत नविन श्रीवास्तवबीच भेटवार्ता भएको छ ।
राजदूत श्रीवास्तव प्रधानमन्त्रीलाई भेटन् शुक्रबार बिहान बालुवाटारस्थित निवासमा पुगेका थिए । उनले भारतीय प्रधानमन्त्री नरेन्द्र मोदीले पठाएको बधाईपत्र प्रधानमन्त्रीलाई हस्तान्तरण गरेको बताइएको छ ।
मोदीले प्रचण्ड प्रधानमन्त्रीमा नियुक्त हुनासाथ ट्विटरमार्फत् बधाई दिएका थिए भने शुक्रबार बिहान राजदूतमार्फत् बधाईपत्र पठाएका हुन् ।
प्रधानमन्त्रीको सचिवालयका अनुसार उक्त भेटमा नेपाल भारत बीचको सम्वन्धलाई अझै मजबुत बनाउने विषयमा छलफल भएको थियो ।
वि.सं.२०७९ पुस १५ शुक्रवार १४:०९ मा प्रकाशित
