Sansar News
काठमाडौं । उपप्रधानमन्त्री एवम् भौतिक पूर्वाधार तथा यातायातमन्त्री नारायणकाजी श्रेष्ठ र भारतीय राजदूत नविन श्रीवास्तवबीच भेटघाट भएको छ ।
बुधबार बिहान भएको उक्त भेटघाटमा समसामयिक विषयमा छलफल भएको बताइएको छ ।
भेटका क्रममा उपप्रधानमन्त्री श्रेष्ठले नेपाल सामाजिक न्याय सहितको सम्बृद्धि हासिल गर्ने दिशामा रहेकोमा बिकासको लक्ष्य हासिल गर्न भारत सरकारको सहयोग हुने विश्वास व्यक्त गरेका थिए ।
त्यसैगरी राजदूत श्रीवास्तवले नेपाल सरकारलाई रेल्वे लगायतको पूर्वाधारमा थप सहयोग गर्न इच्छुक रहेको बताए । भारतीय सहयोगमा चालू विकास आयोजनालाई गति दिन आगामी दिनमा आवश्यक छलफल गर्दै जाने कुरा भएको उपप्रधानमन्त्री श्रेष्ठका स्वकीय सचिव विजय गौतमले बताए।
उक्त भेटमा श्रीवास्तवले उपप्रधानमन्त्री श्रेष्ठलाई भारत भ्रमणको निम्तो दिएका थिए ।
वि.सं.२०७९ पुस २० बुधवार ११:५९ मा प्रकाशित
