हामी सबैकाे संसारन्यूज

काठमाडौं । प्रधानमन्त्री पुष्पकमल दाहाल ‘प्रचण्ड’ले अर्थतन्त्रको पछिल्लो अवस्थाबारे अर्थमन्त्री विष्णुप्रसाद पौडेल र नेपाल राष्ट्र बैंकका गभर्नर महाप्रसाद अधिकारीसँग छलफल गरेका छन्।

बुधबार प्रधानमन्त्रीको सरकारी निवास बालुवाटारमा अर्थमन्त्री पौडेल र गभर्नर अधिकारीसँग प्रधानमन्त्री प्रचण्डले छलफल गरेका हुन् ।

प्रधानमन्त्रीका प्रेस संयोजक सूर्य किरणका अनुसार अर्थमन्त्री र गर्भनरसँग देशको वर्तमान अर्थतन्त्रको अवस्था, बैंकिङ क्षेत्रमा देखिएका समस्या र तत्काल सुधार गर्नुपर्ने विषयबारे छलफल भएको थियो ।

प्रधानमन्त्री प्रचण्डले बैंकिङ क्षेत्रमा देखिएका समस्या तत्काल सुधार गर्न निर्देशन पनि दिएका छन् ।

प्रेस संयोजक सूर्य किरणका अनुसार छलफलका क्रममा बैंकहरुको ब्याजदर घटाउन र तरलताको समस्याबारे मौद्रिक नीतिमा सुधारका साथै अरु पहलकदमी लिनुपर्नेमा प्रधानमन्त्रीले जोड दिएका छन् ।

मौद्रिक नीतिमा आवश्यक सुधार गरेर तरलता हटाउने उपाय खोज्न पनि प्रचण्डले सुझाएका छन् ।