हामी सबैकाे संसारन्यूज

काठमाडौं । विदेशी खेलाडीलाई श्रम स्वीकृति र अनुमति नलिइकन नेपाल भित्राइएको भन्दै अख्तियार दुरुपयोग अनुसन्धान आयोगले राष्ट्रिय खेलकुद परिषद्लाई पत्र काटेको छ ।

आयोगले नेपाल टि २० लिगमा ७ दिनभित्रमा छानबिन गर्दै सम्बद्ध कागजातसहितको राय प्रतिक्रिया पठाउन भन्दै पत्र काटेको हो ।

‘त्रिभुवन अन्तराष्ट्रिय क्रिकेट मैदान, किर्तीपुरमा संचालन भइरहेको नेपाल टि–२० क्रिकेट लिगमा सहभागी विभिन्न ६ वटा टिमबाट विभिन्न विदेशी खेलाडीबाट बिना श्रम स्वीकृति तथा अनमुति बिना नै क्रिकेट खेल संचालन गरिएको भन्ने समेत व्यहोराको उजुरीका सम्बन्धमा ७ (सात) दिनभित्र सम्बद्ध कागजात सहितको राय प्रतिक्रिया यस आयोगको महाशाखा नं ९ मा प्राप्त हुनेगरी उपलब्ध गराइदिनुहुन अनुरोध छ ।’ अख्तियारको पत्रमा भनिएको छ ।