हामी सबैकाे संसारन्यूज

काठमाडौं । प्रधानमन्त्री पुष्पकमल दाहाल प्रचण्डले सत्ता गठबन्धनमा समस्या नहुने बताएका छन् । राष्ट्रिय स्वतन्त्र पार्टीले सरकारलाई दिएको समर्थन फिर्ता लिन लागेको चर्चाका बीच प्रचण्डले यस्ताे बताएका हुन् ।

रास्वपाले सरकारलाई दिएको समर्थन फिर्ता नलिने विश्वास प्रचण्डले व्यक्त गरेका छन्। पार्टी केन्द्रीय कार्यालयमा भएको स्थायी समितिको बैठकपछि बाहिरिने क्रममा सञ्चारकर्मीकाे प्रश्नमा उनले भने, ‘सरकार केही हुँदैन, मैले बुझेसम्म रास्वपाले समर्थन फिर्ता पनि लिँदैन ।’

गृह मन्त्रालय नपाए सरकार छाड्ने चेतावनी दिएको रास्वपाको सरकारबारे निर्णय लिन केन्द्रीय कमिटी र संसदीय दलको संयुक्त बैठक बसिरहेको छ। उक्त बैठकले सरकारमा रहिरहने वा छाड्ने भन्ने विषयमा निर्णय लिने नेताहरूकाे भनाइ छ ।