हामी सबैकाे संसारन्यूज

काठमाडौं । राष्ट्रिय सभाको उपाध्यक्षमा नेकपा माओवादी केन्द्रकी नेतृ उर्मीला अर्याल निर्विरोध निर्वाचित भएकी छन् ।

आइतबारको भएको मनोनयन दर्ताका क्रममा सत्तारुढ गठबन्धन दलबाट अर्यालको मात्र उम्मेदवारी परेपछि राष्ट्रिय सभाको उपाध्यक्षमा पदमा अर्याल निर्विरोध निर्वाचित भएकी हुन् ।

आइतबारै निर्विरोध निर्वाचित भइसकेकी अर्याललाई सोमबारको राष्ट्रिय सभाको बैठकमा अध्यक्ष गणेश तिमिल्सिनाले निर्विरोध निर्वाचित भएको घोषणा गरेका हुन् ।

माओवादी केन्द्रको स्थायी समिति सदस्य समेत रहेकी अर्याल पूर्वस्थानीय विकास मन्त्रीको समेत जिम्मेवारी सम्हालि सकेकी छन् । विसं २०१३ असोज २० गते बलराम अर्याल र जगतमायाको सुपुत्रीका रुपमा पर्सामा जन्मिएकी अर्याल तत्कालीन नेकपाको चौथो महाधिवेशनबाट वामपन्थी आन्दोलनमा लागेकी हुन् । अर्याल गत वर्ष भएको राष्ट्रियसभाको निर्वाचनमा मधेश प्रदेशबाट निर्वाचित भएकी थिइन् ।