Sansar News
काठमाडौं । सुदूरपश्चिम प्रदेशको मुख्यमन्त्रीमा नेपाली कांग्रेस संसदीय दलका नेता कमलबहादुर शाह नियुक्त भएका छन् ।
विश्वासको मत नपाएर यसअघि मुख्यमन्त्री रहेका राजेन्द्र रावल पदमुक्त भएपछि प्रदेश प्रमुख देवराज जोशीले प्रदेश सभामा ठूलो दल रहेको नेपाली कांग्रेस संसदीय दलका नेता शाहलाई मुख्यमन्त्रीमा नियुक्त गरेका हुन् ।
प्रदेश प्रमुख जोशीले संविधानको धारा १६८ को उपधारा ३ अनुसार सुदूरपश्चिमको मुख्यमन्त्रीमा शाहलाई नियुक्त गरेका हुन् ।
विहीबारको प्रदेश सभा बैठकमा विश्वासको मत नपाएपछि गठबन्धनका तर्फबाट पुस २७ गते मुख्यमन्त्री बनेका एमालेका राजेन्द्र रावल एकमहिनामै पदमुक्त भएका हुन् ।
गठबन्धनभित्रै रहेर सरकारलाई समर्थन गरेको रन्जिता श्रेष्ठ नेतृत्वको नागरिक उन्मुक्ति पार्टीले विश्वासको मत नदिएपछि रावल पदमुक्त भएका हुन् । सो पार्टीले टिकापुर घटनाको आरोपमा जेलमा रहेका आफ्ना पार्टीका नेता रेशम चौधरी लगायतका नेताहरुलाई रिहा गर्न माग गर्दै आएको छ ।
पदमुक्त भए सुदूरपश्चिमका मुख्यमन्त्री रावल
वि.सं.२०७९ माघ २६ बिहीवार १९:५३ मा प्रकाशित
