हामी सबैकाे संसारन्यूज

काठमाडौंं । हुन्डाईको विद्युतीय गाडी कोना इभी र आयोनिक फाइभको खरिदमा वासिङ मेसिन निःशुल्क पाइने भएको छ । हुन्डाईको आधिकारिक बिक्रेता लक्ष्मी इन्टरकन्टिनेन्टलले कोना र आयोनिक फाइभ इभीको खरिदमा नयाँ अफर ल्याएको हो ।

कम्पनीले ‘वान मोर रिजन टु गो इलेक्ट्रिक’ नामक अफर योजना ल्याएको हो । कम्पनीका अनुसार कोना इभी र आयोनिक ५ को खरिदमा उत्कृष्ट जर्मन अन्तर्राष्ट्रिय ब्रान्ड वोस्कको वासिङ मेसिन पाउनेछन् ।

विद्युतीय गाडीको प्रयोगमा वृद्धि ल्याउनुका साथै आफ्नो उत्पादनको प्रवद्र्धन गर्न उक्त योजना सार्वजनिक गरिएको कम्पनीले जनाएको छ । विद्युतीय गाडीको प्रयोगलाई प्रोत्साहन गर्न कम्पनीले चार्जिङ स्टेसन निर्माण गरिरहेको छ । कम्पनीले देशभर १९ सर्भिस सेन्टरसहित ४० वटा चार्जिङ स्टेसन निर्माण गरिसकेको छ ।