हामी सबैकाे संसारन्यूज

काठमाडौं । काभ्रेको कात्तिके देउराली बजारका अधिकांश पसलमा आज राती चोरी भएको छ ।

चौरी देउराली गाउँपालिका–६ मा रहेको बजारका पसलहरूमा बुधबार रातिको समयमा चोरी भएको जिल्ला प्रहरी कार्यालय काभ्रेले जनाएको छ ।

चोरी भएको जानकारी पाएपछि बिहान प्रहरी निरीक्षकसहितको टोली घटनास्थलमा खटिएको छन् जिल्ला प्रहरी कार्यालय काभ्रेका प्रमुख, एसपी भाग्येन्द्र पूरुष ढकालले जानकारी दिए ।

उनका अनुसार प्रारम्भिक अनुसन्धानका क्रममा बजारका ६/७ पसलमा चोरी भएको पाइएको छ । क्षतिको थप विवरण आउन बाँकी रहेको एसपी ढकालले बताए । चोरले पसलमा लगाइएका ताला रडको प्रयोगले फुटाएको पाइएको छ ।