back

‘चैत्र ५ को सांस्कृतिक प्रतिरोध दिवस अमर राखौ’

वि.सं.२०७९ चैत ५ आइतवार

327 

shares
NTC AD
Global IME AD

आज चैत्र ५ गते सांस्कृतिक प्रतिरोध दिवस । आजकै दिन २०५५ सालमा अखिल नेपाल जनसांस्कृतिक सङ्घका केन्द्रीय सदस्य च्याङ्बा लामासहित सांस्कृतिक कलाकर्मीहरु चिनीमाया तामाङ, गुम्बासिं तामाङ, सुभद्रा सापकोटा, डम्बर श्रेष्ठ, निर्मला देवकोटा र मञ्जु कुँवरजस्ता कलिला होनहार प्रतिभाहरुको ग्रुप मादल, बाँसुरी, हार्मोनियम आदि वाद्यवादनका सामाग्रीहरु बोकेर काभ्रे जिल्लाको अनेकोटमा पुगेको. थियो । अनेकोट गाउँकै एउटा घरमा बसेर भोक, प्यास, थकाइ र अनिंद्राका बिच पनि उनीहरूले त्यहाँ नेपाली समाजमा भएको चरम शोषण, दमनका विरुद्ध न्याय, समानता र स्वतन्त्रताका गीतहरु गाएका थिए ।

त्यही गीत गाएको, बजाएको र नृत्य–अभिनय गरेको अपराधमा कुनै दुष्ट दुश्मन सुराकीको रिपोर्टको आधारमा तत्कालीन फासिष्ट काङ्ग्रेसी सरकारको आदेशमा आएका कथित सरकारी सुरक्षाकर्मी जल्लादहरुले ती निहत्था कलिला प्रतिभाहरुमाथि घेरावन्दी गरी फौजी हमला गरेका थिए । हमलाबाट बच्न उनीहरु घरभित्र पसे र बच्न खोजे तर घर घेरिएकोले उम्कन सकेनन् । फलतः घरबाट ननिक्लेपछि ढोका थुनेर आगो लगाइदिएका थिए । तत्पश्चात केहीले उम्कन प्रयास गर्दा दुश्मनको गोलीको शिकार भएर र केही घरभित्रै आगो र आक्रमणको निसानामा परेर उच्च शहादत प्राप्त गरेका थिए । त्यस्तो वीभत्स र क्रूर हत्याको विरोध, प्रतिशोध र प्रतिरोध स्वरुप आजकै दिनलाई हामीले अर्थात् तत्कालीन नेकपा माओवादी पार्टीको केन्द्रीय समितिले सांस्कृतिक प्रतिरोध दिवसको रुपमा अब उप्रान्तका बर्षहरुमा मनाउने र भनी निर्णय गरेका थियौं । त्यसदेखि यता आज चैत्र ५ गतेलाई सांस्कृतिक प्रतिरोध दिवसका रुपमा मनाउँदै उक्त सात जना सांस्कृतिक शहीद लगायत त्यसअघि र त्यसपछि पनि शहीद हुनु भएका कृष्णसेन इच्छुक, चुनु गुरुङ, मस्त विष्ट र रोल्पा भावाङमा साँस्कृतिक कार्यक्रम गर्दै गर्दा मारिएका एक दर्जन कलाकार आदि जनयुद्धमा मारिएका सम्पूर्ण सयौं क्रान्तिकारी साहित्यकार, कलाकार र संस्कृतिकर्मीहरुको समष्टिगत सम्झना र सम्मान गर्दै आएका छौं । त्यसैले मैले पनि आज उहाँहरुप्रति हार्दिक श्रद्धाञ्जली, अमीट सम्झना र क्रान्तिकारी सलाम गर्न चाहन्छु ।

आज कमजोर र कायर नेतृत्वका कारण क्रान्तिकारी विचार, राजनीति, संगठन, संघर्ष र संस्कृतिले रक्षात्मक रुख लिंदा र सुधारका नाममा विचलन र अधःपतन मात्र होइन विघटन र विसर्जनको दिशा लिइरहेको स्थितिमा समग्र क्षेत्रका साथै सांस्कृतिक क्षेत्रबाट समेत त्यसको सशक्त प्रतिरोध बढाउनुको आवश्यकता र औचित्य कैयौं गुना बढेर गएको छ ।
अखिल नेपाल जनसांस्कृतिक संघको संस्थापक केन्द्रीय सदस्य (२०३७) र २०५२ फागुन १ मा जनयुद्ध थालनीको निर्णयकर्ता तत्कालीन नेकपा (माओवादी) को केन्द्रीय सदस्यको नाताले सामान्यतया जनयुद्धका सम्पूर्ण शहीदहरुप्रति, विशेषतः सबै साँस्कृतिक शहीदहरुप्रति र मुख्यतः आजको दिनमा उच्च शहादत प्राप्त गर्नुहुने अनेकोट हत्याकान्डका उक्त सात जना वीर कलाकार शहीदहरुप्रति अमिट सम्झना, आत्मिक श्रद्धा र जोशिलो अभिवादन अर्पण गर्न चाहन्छु । साथै शहीदहरुका सुन्दर सपना साकार पार्नको लागि शहीदहरुले देखाएको रक्तरंजित बाटोमा अघि बढ्न, देश र जनताका दुश्मनसँग लडेर प्रतिरोध गर्न र सफलता र विजयको चुली चुम्न आफ्नो शरीरमा एक मुठी सास र एक थोपा रगत रहेसम्म लागिपर्न पूर्ण प्रतिबद्धता र कसिलो कटिबद्धता प्रकट गर्न चाहन्छु ।

अन्तमा म अपिल गर्दछु कि,

चैत्र ५ को सांस्कृतिक प्रतिरोध दिवस – अमर राखौं !

ज्यानी दुश्मनहरु विरुद्धको सशक्त प्रतिरोध – जारी राखौं !!

कम्युनिस्ट आन्दोलनमा हाल देखापरेका विचलन, विखन्डन, विघटन र विसर्जनका प्रवृत्तिहरुको विरोध गरौं !!!

अनि अविचलित, अखण्डित, पुनर्गठित र पुनर्संगठित भएर क्रान्तिको दिशामा अविराम अघि बढौं !!!!

शर्मा हाल -स्वतन्त्र माओवादी नेता हुन् ।

 

वि.सं.२०७९ चैत ५ आइतवार १७:२३ मा प्रकाशित

NLIC AD
NABIL bank AD
जुगल हिमाल आरोहणको अन्तिम तयारीमा

जुगल हिमाल आरोहणको अन्तिम तयारीमा

चौतारा (सिन्धुपाल्चोक) । सिन्धुपाल्चोकको जुगल हिम शृङ्खलाअन्तर्गका दुई नयाँ हिमालको...

गुणस्तरीय काम नहुँदा राज्यलाई अतिरिक्त दायित्व थपियो : प्रधानमन्त्री ‘प्रचण्ड’

गुणस्तरीय काम नहुँदा राज्यलाई अतिरिक्त दायित्व थपियो : प्रधानमन्त्री ‘प्रचण्ड’

हेटौँडा (मकवानपुर) । प्रधानमन्त्री पुष्पकमल दाहाल ‘प्रचण्ड’ले सम्झौताअनुरूप गुणस्तरको काम...

बोआओ फोरममा चीनको प्रतिबद्धता : खुलापन र साझेदारी

बोआओ फोरममा चीनको प्रतिबद्धता : खुलापन र साझेदारी

  चीन । यस वर्ष सन् २०२४ को बोआओ फोरमको...

कांग्रेस सभापति देउवाद्वारा आदिवासी र सहकारी विभागमा २२ सदस्य मनोनीत

कांग्रेस सभापति देउवाद्वारा आदिवासी र सहकारी विभागमा २२ सदस्य मनोनीत

काठमाडौँ । नेपाली कांग्रेसका सभापति शेरबहादुर देउवाले पार्टीको विधानबमोजिम आदिवासी...

शान्ति, सद्भावका लागि संसदीय कूटनीति प्रभावकारी बनाइने

शान्ति, सद्भावका लागि संसदीय कूटनीति प्रभावकारी बनाइने

काठमाडौँ । प्रतिनिधिसभाका सभामुख देवराज घिमिरेले विश्वमा शान्ति, सद्भाव र...

मृतकका आफन्तले पाए झन्डै रु दुई करोड क्षतिपूर्ति

मृतकका आफन्तले पाए झन्डै रु दुई करोड क्षतिपूर्ति

वालिङ (स्याङ्जा) । स्याङ्जाको वालिङमा रहेको आप्रवासी स्रोत उपकेन्द्रको सहजीकरणमा...