Sansar News
काठमाडौं । राष्ट्रपति रामचन्द्र पौडेललाई उपचारका लागि दिल्ली लैजान लागिएको छ ।
केही दिनदेखि पेटमा समस्या आएपछि महाराजगन्जस्थित त्रिवि शिक्षण अस्पतालमा उपचार गराउँदै आएका राष्ट्रपति पौडेलको पेटमा इन्फेक्सन देखिएपछि थप उपचारका लागि दिल्ली लैजान लागिएको हो ।
मंगलबार बिहान फलोअपका लागि शिक्षण अस्पतालमा पुगेका राष्ट्रपति पौडेललाई त्यहि भर्ना गरेर उपचार गरिएको थियो । राष्ट्रपति पौडेललाई चिकित्सकको सल्लाह अनुसार थप उपचारका लागि एयर एम्बुलेन्समार्फत् दिल्ली लैजान लागिएको हो ।
वि.सं.२०८० वैशाख ६ बुधवार ०९:१२ मा प्रकाशित
