हामी सबैकाे संसारन्यूज

काठमाडौं । प्रतिनिधि सभाको बैठक बस्दैछ ।

आज दिउँसो ३ बजे बस्ने उक्त बैठकमा सभामुखले संसदीय सुनुवाइ समितिमा रहने सदस्यहरुको नाम मनोनयनका लागि प्रस्ताव गर्ने रहेको छ ।

त्यसैगरी सासंद ईश्वरी न्यौपानेले प्रतिनिधि सभा नियमावली, २०७९ को नियम १८० बमोजिम विशेष समिति गठन गरियोस् भनि सदस्यहरुको नामावली सहितको प्रस्ताव पेश गर्ने र प्रस्तावमा सांसद रघुजी पन्तले समर्थन गर्ने कार्यसूची रहेको छ ।

त्यसैगरी कार्यसूचीमा प्रधानमन्त्री पुष्पकमल दाहाल ‘प्रचण्ड’ ले ‘संबैधानिक परिषद् (काम, कर्तव्य, अधिकार र कार्यविधि) सम्बन्धी (पहिलो संशोधन) विधेयक २०७९ माथिको दफावार छलफल सदनमा गरियोस् भन्ने प्रस्ताव पेश गर्ने रहेको छ ।