हामी सबैकाे संसारन्यूज

काठमाडौं । प्रतिनिधि सभाका नवनिर्वाचित सदस्य रवि लामिछानले आफुमाथि लागेका तमाम लान्छना र चौतर्फि प्रहारको जवाफ चितवन २ का जनताले दिएको बताएका छन् ।

चितवन क्षेत्र नम्बर २ को उपनिर्वाचनबाट पुनः प्रतिनिधि सभामा निर्वाचित लामिछानेले चितवन २ का मतदातालाई धन्यवाद दिँदै राजनीतिलाई भुँइमान्छेसँग जोड्ने र मुलुकलाई समृद्द बनाउने अभियानका अवरोध तोड्न इमानका साथ लागिरहने समेत बताएका छन् ।

‘चौतर्फि प्रहार र लान्छनाको लागि मतदाताको विवेक र जनमतको धज्जी उडाउने खालका टिप्पणी नगरिदिनु हुन प्रतिस्प्रर्धी दल/उम्मेदवार र तिनका नेता कार्यकर्ता समक्ष आग्रह गर्दछु ।’ लामिछानेले सामाजिक संजालमा लेखेका छन् ।
गत मंसिर ४ गते सम्पन्न प्रतिनिधि सभा र प्रदेश सभा निर्वाचनमा चितवन २ बाट निर्वाचित लामिछाने नागरिकता विवादमा परेपछि उनको सांसद पद खारेज भएको थियो ।

उनको सांसद पद खारेज भएसँगै प्रक्रिया पुर्याएर पुनः नेपाली नागरिकता लिएपछि उनी बैशाख १० गते सम्पन्न उपनिर्वाचनमा लामिछाने पुन ः सोहि क्षेत्रबाट सांसद पदमा निर्वाचित भएका हुन् ।