काठमाडौं । नेकपा एमालेले पार्टी सचिव टोप बहादुर रायमाझीलाई नक्कली भुटानी शरणार्थी प्रकरणमा विधि र कानुनको शासन मान्न आग्रह गरेको छ ।
बुधबारको प्रतिनिधि सभाको बैठकमा बोल्दै एमालेका महासचिव पृथ्वीसुब्बा गुरुङले मंगलबार पार्टीका सचिव समेत रहेका रायमाझीलाई नक्कली भुटानी शरणार्थी प्रकरणको अनुसन्धानमा सघाउन निर्देशन दिएको बताए ।
उनले भने–‘विधिको शासनमाथि विश्वास गर्ने पार्टीको हैसियतले विधिपूर्वक जुनखालको अनुसन्धान र छानविन भइरहेको छ यसमा हाम्रो पार्टीका माननीय सचिव टोपबहादुर रायमाझी लाई निर्देशन गरिरहेका छौं ।’
गुरुङले नक्कली भुटानी शरणार्थी प्रकरणमा आफ्नो पार्टीले सरकारको काममा सहयोग र समर्थन गर्न तयार रहेको समेत बताएका छन् ।
‘सरकारले जुन खालको अनुसन्धान सुरु गरेको छ, विधिको शासन, कानुनको शासन मान्ने भ्रष्टाचारमुक्त नेपाल निर्माण गर्ने अभियानमा प्रतिबद्ध भएको पार्टीको सांसदको हैसियतले यो छानविन र अनुसन्धानलाई सरकारले दायाँ बाया र तलमाथि नगरिकन दोषीहरु कुनैपनि नछुट्ने गरी र निर्दोष व्यक्ति कोही नपरुन भन्ने अभियानका साथ लाग्नुहोस् । एमाले सरकारको काममा सहयोग र समर्थन गर्न तयार छ ।’ उनले भने ।
वि.सं.२०८० वैशाख २७ बुधवार १३:५४ मा प्रकाशित