हामी सबैकाे संसारन्यूज

काठमाडौं । कानुन न्याय तथा मानव अधिकार समितिले वेपत्ता पारिएका व्यक्तिको छानबिन, सत्य निरुपण तथा मेलमिलाप विधेयकमाथि छलफल गर्न उपसमिति बनाएको छ । शुक्रबार बसेको समितिको बैठकले ११ सदस्यीय उपसमिति बनाएको हो ।

११ सदस्यीय उपसमितिमा कांग्रेस र एमालेका दुई/दुई जना र अन्य दलका आठ जना छन् । द्वन्दका पीडित पक्ष, आयोगका पूर्व पदाधिकारी, मानव अधिकार आयोग लगायतसँग छलफल गरी उपसमितिले प्रतिवेदन तयार पार्ने छ । ११ सदस्यीय उपसमितिलाई तीन हप्ताको समय दिइएको छ ।

वेपत्ता पारिएका व्यक्तिको छानबिन, सत्य निरुपण तथा मेलमिलाप आयोग ऐनलाई संशोधन गर्न बनेको विधेयक सरकारले गत २५ फागुन २०७९ मा संसदमा दर्ता गराएको थियो ।