युके । बेलायत भ्रमणमा रहेका गुल्मीका जनप्रतिनिधिहरुलाई रशमोर काउन्सील अफिसको प्रागणमा स्वागत गरिएको छ ।
बेलायत भ्रमणमा रहेका प्रधानमन्त्रीका जनसम्पर्क विज्ञ बुद्धि जिसी, युबा जनप्रतीनिधी प्रमुखहरू चन्द्रकोट गाउंपालिका अध्यक्ष युवराज खत्री क्षेत्री, धुर्कोट गाउंपालिका अध्यक्ष भुपाल पोख्रेल र मालिका गाउंपालिका अध्यक्ष देवीराम अर्याललाई काउन्सील अफिसमा स्वागत गर्दै अन्तरक्रिया कार्यक्रम समेत गरिएको हो ।
बिशेष त रशमोर ब्ररो काउन्सीलका मेयर मिकिगले महत्वपूर्ण कार्यक्रमको अबसर पारेर उनीहरुलाई स्वागत गरेका हुन् ।
उक्त कार्यक्रममा निवर्तमान मेयर जोन मर्सद्वारा पद हस्तान्तरण र नवनियुक्त मेयर सिल्भे गर्टनद्वारा पद तथा गोपनियताको शपथ ग्रहण गरिएको थियो । काउन्सीलमा पहिलोपटक ऐतिहासीक रूपमा अफ्रिकन मुलका काला जातिको समुदायकी डेपुटि मेयर मर मकुनुरा सर्वसहमतबाट नियुक्ति भई पदवहालि गरेकी छन् ।
निर्वतमान मेयरलाई बिदाई तथा काउन्सीलका जिम्मेवार पदहरूको पदभार हस्तान्तरण गर्दै जिमेवारी दिइएको थियो । सो कार्यक्रमपछि नेपाली अतिथिहरूलाई स्वागत गरिएको थियो । नवनिवाचित मेयर साथै काउन्सिलका लिडर डेभिड क्लिफोर्ड समेत काउन्सीलरहरुसंग स्थानीयतह र सेवाप्रवाहका साथै नेपालि भाषि तथा व्रिटिश गोर्खाको अवस्थावारे जानकारी आदान प्रदान गरिएको थियो । साथै नेपाल र ब्रिट्रिसको पुरानो सम्बन्ध अझ प्रगाढ रहने गरी नेपालको स्थानिय सरकारहरूसंग सिधा कला, संस्कृति र पर्यटनमा समन्वय गरेर अगाडि बढ्ने बताइएको थियो ।
उक्त कार्यक्रमको संयोजनका लागि ग्रेटर रशमोर नेपाली कम्युनिटीका पूर्वअध्यक्ष साथै गुल्मी जिल्ला समाज युकेका सस्थापक अघ्यक्ष हाल ट्रष्टी ओम थापा काउचाको अनुरोधमा काउन्सिलर, नेम थापा, जिव वेलवासे र धन सार्कीले सयोजन गरेका थिए ।
कार्यक्रममा अतिथिको रूपमा केही नेपाली संघ संस्थाका प्रतिनिधिहरुको पनि सहभागिता थियो । जसमा गैरआवाशिय नेपाली संघ बेलायतका अध्यक्ष प्रेम गाहा मगर, संरक्षक मेजर रिटायर डमर घले, ग्रेटर रशमोर नेपाली कम्युनिटीका अध्यक्ष मान गुरूङका साथै निबर्तमान अध्यक्ष रामधन राईको उपस्थिती रहेको थियो ।
