काठमाडौं । भारतको ओडिसा राज्यमा शुक्रबार बेलुका भएको रेल दुर्घटनामा २३३ जनाको मृत्यु भएको छ ।
समाचार एजेन्सीका अनुसार ओडिसा राज्यको बालसोर जिल्लामा तीनवटा रेल एकाआपसमा ठोक्किदा भयानक दुर्घटना भएको हो ।
हावडा–चेन्नई कोरोमंडल एक्सप्रेसको समान भरिएको रेलसँग ठोक्किएपछि उक्त दुर्घटना भएको हो । सोहि रेलसँग यशवंत–हावडा सुपरफास्ट रेल पनि ठोक्किएको थियो ।
ओडिशाका मुख्यसचिव प्रदीप जेनाले उक्त दुर्घटनामा मृत्यु हुनेको संख्या २३३ पुगेको र ९०० बढी घाईते भएको ट्विटरमार्फत् जानकारी दिएका छन् ।
त्यसैगरी दुर्घटनास्थलमा पुगेका रेलमन्त्री अश्विनी वैष्णवले दुर्घटनाप्रति दुःख व्यक्त गर्दै दुर्घटनामा ज्यान गुमाउनेका परिवारलाई १०/१० लाख दिने घोषणा समेत गरेका छन् । साथै गम्भीर घाईतेलाई दुई लाख र घाईतेहरुलाई ५० हजार दिने घोषणा समेत गरेका छन् ।
photo-ANI
-->
