हामी सबैकाे संसारन्यूज

काठमाडौं। नेकपा एमालेको बैशाख २८ देखि ३० गतेसम्म बसेको केन्द्रीय केन्द्रीय कमिटीको पाँचौ बैठकले गरेको अन्तर पार्टी निर्देशन तल्ला कमिटीलाई पठाएको छ ।

बैशाख २८ देखि ३० सम्म बसेको केन्द्रीय कमिटीको बैठकले गरेको निर्णयहरु कार्यान्वयन गर्न जेठ १९ गते बसेका एमाले सचिवालय बैठकले पार्टीको केन्द्रीय कमिटीको उम्मेदवार बन्न राखेको ७० वर्षे उमेरहद हटाउने निर्णय समेत गरेको हो ।

उक्त ७० वर्षीय उमेर हदको निर्णयलाई हाल निलम्बन गर्ने निर्णय गर्दै ती लगायतका अन्य निर्णयलाई गम्भीरतापूर्वक मनन र कार्यान्वयन गर्न भन्दै तल्ला कमिटीलाई पठाएको अपानिमा उल्लेखछ ।

एमालेको २०७० पुषमा सम्पन्न नवौ महाधिबेशन र २०७८ मंसिरमा सम्पन्न दशौ महाधिबेशवमा पनि केन्द्रीय कमिटीको चुनाव लड्न ७० वर्ष उमेर नपुगेको हुनुपर्ने प्रावधान विधानमै राखेको थियो । तर, जेठ १९ गते बसेको सचिवालय बैठकमा उपाध्यक्ष विष्णु पौडेलले ७० वर्षे उमेर हद हटाउन राखेको प्रस्ताव अध्यक्ष केपी शर्मा ओलीले सचिवालय बैठकबाट अनुमोदन गराएका थिए ।