Sansar News
काठमाडौं । भारतबाट पूजाका लागि नेपालतर्फ आएका चार नेपालीको दुर्घटनामा मृत्यु भएको छ ।
कन्चनपुरको बनबासानजिकै भारतीय बजार खटिमास्थित चकपुरमा कारले स्कुटरलाई ठक्कर दिँदा चार नेपालीको मृत्यु भएको हो ।
भारतीय संचारमाध्यमका अनुसार शनिबार दिउँसो भएको उक्त दुर्घटनामा कन्चनपुरको भिमदत्त नगरपालिका २ उल्टाखाम घर भई भारतको खटिमास्थित मुडेली गाउँमा बस्दै आएका ६० वर्षीय नेमबहादुर चन्द, उनकी पत्नी ५६ वर्षीया सरस्वती चन्द तथा बुहारीहरु २७ वर्षीया बुहारी नर्मदा चन्द र ४२ वर्षीया कल्पना चन्दको मृत्यु भएको भारतीय संचारमाध्यमले जनाएका छन् ।
पूजाका लागि स्कुटरमा नेपालतर्फ आएका उनीहरु पूजा सकेर घर फर्किने क्रममा कारले उनीहरु सवार दुईवटा स्कुटरलाई ठक्कर दिएको थियो । दु्र्घटनामा गम्भीर घाईते भएका उनीहरुको उपचारका क्रममा मृत्यु भएको बताइएको छ ।
वि.सं.२०८० जेठ २८ आइतवार ११:२८ मा प्रकाशित
