Sansar News
काठमाडौं । काठमाडौंको माइतीघर मण्डलामा आत्मदाह प्रयास भएको छ । मोरङका २५ वर्षीय निरज कामदले जिउमा पेट्रोल खन्याएर आत्मदाह गर्ने प्रयास गरेका हुन् ।
नागरिकताविहीन संघर्ष समितिले माइतीघरमा आयोजना गरेको प्रदर्शनका बीच उनले आत्मदाहको प्रयास गरेका थिए । नागरिकता नपाएपछि विगत केही वर्षदेखि आन्दोलनमा जोडिएका कामदले यस्तो प्रयास गरेको खुलेको छ ।
काठमाडौं प्रहरी परिसरका एसपी सीताराम रिजालले बताएअनुसार आत्मदाह प्रयास गरेका कामदलाई अहिले राष्ट्रिय ट्रमा सेन्टर पुर्याइएको छ । उनको स्वास्थ्य अवस्था खतरामुक्त रहेको बुझिएको छ ।
वि.सं.२०८० जेठ ३० मंगलवार १७:५१ मा प्रकाशित
