हामी सबैकाे संसारन्यूज

काठमाडौं । नेबिसंघका अध्यक्ष दुजाङ शेर्पाले पूर्वाञ्चल विश्वविद्यालयको सेवा आयोग प्रमुख महेश दाहालमाथि गरिएको दुव्र्यवहारमा नेबिसंघको कुनै संलग्नता नरहेको बताएका छन् ।

शेर्पाले पूर्वाञ्चल विश्वविद्यालयमा संघको कुनैपनि आधिकारीक समिति नरहेको र यस्ता अमानविय कार्यमा नेविसंघ संलग्न नभएको बताउँदै त्यस्तो दुव्र्यवहार गर्ने व्यक्ति स्वयम् जिम्मेवार हुने पनि बताएका छन् ।

‘शिक्षालय भित्र यस्ता हर्कत गर्ने जो कोहीलाई कार्बाहीको दायरामा ल्याउन नेविसंघ केन्द्रीय समिति गृहमन्त्रालय र पूर्वान्चल विश्वविद्यालय समक्ष जोडदार माग गर्दछ,’ अध्यक्ष शेपाद्वारा जारी विज्ञप्तिमा उल्लेख छ, ‘भ्रामक ढंगले ने.वि. संघको नाम जोडेर भएका यस्ता गतिबिधि र घटनाबारे विस्तृत छानविन गरि एक हप्ताभित्र सत्य तथ्यसहित प्रतिवेदन केन्द्रीय कार्यालयमा बुझाउन ३ सदस्यीय छानविन समिति गठन गरिएको छ ।’

दिनेश शाही संयोजक रहेको उक्त छानविन समितिमा दिपेन रौनियार र दिपेन घले सदस्य रहेका छन् ।