Sansar News
काठमाडौं । प्रधानमन्त्री एवम् माओवादी केन्द्रका अध्यक्ष पुष्पकमल दाहाल प्रचण्ड र पूर्वप्रधानमन्त्री एवम् नेसपाका अध्यक्ष बाबुराम भट्टराईविरुद्ध परेको रिटमा सर्वोच्च अदालतले कारण देखाउ आदेश दिएको छ ।
युद्धकालिन समयमा बाल सैनिकको प्रयोग गरेको सम्बन्धमा दायर रिटमा सर्वोच्च यस्तो आदेश जारी गरेको हो ।
न्यायाधीश सपना मल्ल प्रधानको एकल इजलासले मुद्दालाई अग्राधिकार दिनुका साथै उक्त विषयमा प्रचण्ड र भट्टराईसँग लिखित जवाफ माग गरेको छ ।
जनयुद्धका क्रममा बालबालिका प्रयोग गरेको भन्दै आफूलाई बाल सैनिक भन्ने लेनिन विष्टले सर्वोच्च अदालतमा रिट दायर गरेका थिए ।
बालबालिकालाई सैन्यको रुपमा प्रयोग गरिनु अन्तराष्ट्रिय मानवीय कानुन विपरीतको कार्य भएको भन्दै उनले उच्च नेतृत्वलाई कारबाहीको माग गरेका छन् ।
याे पनि….
वि.सं.२०८० जेठ ३० मंगलवार १८:०६ मा प्रकाशित
