हामी सबैकाे संसारन्यूज

काठमाडौं । काठमाडौं महानगरले सामुदायिक विद्यालयमा अध्यापन गराउने शिक्षकहरुलाई मासिकरुपमै तलब भत्ता उपलब्ध गराउने भएको छ । आगामी आर्थिक वर्ष २०८०/०८१ को लागि महानगरले ल्याएको बजेटमा यस्तो व्यवस्था गराएको हो ।

महानगरले शिक्षकहरुका लागि नियमित मासिकरुपमा तलब भत्ता उपलब्ध गराउन ३० करोडको छुट्टै सोधभर्ना कोषको व्यवस्था गरेको छ । साथै, महानगरले प्रधानध्यापापकहरुको पनि मासिक भत्ता बृद्धि गरेको छ ।

शिक्षा क्षेत्रलाई प्राथमिकतामा राखेको महानगरले प्रत्येक विद्यालयमा एक नर्स र एक सामाजिक सहजकर्ता अनिवार्य राख्ने व्यवस्था पनि बजेटमार्फत ल्याएको छ ।

महानगरले डिजिटल हाजिरी व्यवस्थामार्फत विद्यार्थीहरुलाई खाजा उपलब्ध गराउने भएको छ । सामुदायिक विद्यालयका कक्षा ८ सम्मका विद्यार्थीहरुलाई खाजा उपलब्ध गराउँदै आएको महानगरले खाजा रकममा दुरुपयोग हुने सम्भावनाका बीच यस्तो व्यवस्था गराएको हो ।

सम्बन्धित समाचार

काठमाडौं महानगरपालिकाले ल्यायाे २५ अर्ब ५४ करोडकाे बजेट (पूर्णपाठ)