हामी सबैकाे संसारन्यूज

काठमाडौं । आर्थिक वर्ष २०८०/०८१ लागि प्रस्ताव गरिएको विनियोजन विधेयक (बजेट) बहुमतले पारित भएको छ । प्रतिनिधिसभाको बुधबारको बैठकमा भएको मतविभाजनमा क्रममा बजेटको पक्षमा बहुमत सांसदले मत दिएका हुन् ।

बजेट पारित गरियोस् भन्ने पक्षमा १४७ र विपक्षमा १०८ सांसदले मत दिएका छन् । बुधबारको बैठकमा २५५ जना सांसद उपस्थित थिए । सभामुख देवराज घिमिरेले सरकारले प्रस्तुत गरेको बजेट बहुमतले पारित भएको घोषणा गरेका छन् ।

यसअघि सभामुखले बजेट ध्वनी मतबाटै पारित भएको घोषणा गरेका थिए । तर, प्रमुख प्रतिपक्षी नेकपा (एमाले)को बजेट पारित गर्न मत विभाजनको प्रक्रिया माग गरेपछि सभामुखले मत विभाजनको प्रक्रियालाई अगाडि बढाएका थिए ।

संसदका नेपाली कांग्रेस, नेकपा (माओवादी केन्द्र), जनता समाजवादी पार्टी, नेकपा (एकीकृत समाजवादी), लोकतान्त्रिक समाजवादी पार्टी, नागरिक उन्मुक्ति पार्टी, आम जनता पार्टी, राष्ट्रिय जनमोर्चा र स्वतन्त्र सांसद अमरेश कुमार सिंहले बजेटको पक्षमा मतदान गरेका थिए ।

नेकपा (एमाले), राष्ट्रिय स्वतन्त्र पार्टी, राष्ट्रिय प्रजातन्त्र पार्टी र नेमकिपाले बजेटको विपक्षमा मतदान गरेका छन् ।