Sansar News
काठमाडौं । कामना सेवा विकास बैंकले आषाढ १५ अर्थात् राष्ट्रिय धान दिवस विभिन्न कार्यक्रमहरु गरि मनाएको छ ।
मौलिक परम्परालाई जगेर्ना गर्ने उद्वेश्यले राष्ट्रिय धान दिवसको अवसरमा त्रिपुरेश्वर कृषि सहकारी संस्थाद्वारा चितवनमा आयोजना गरिएको ‘दही चिउरा खाने, रोपाइ र हिलेदौड प्रतियोगिता’ तथा पोखरा पर्यटन परिषदद्वारा पोखरामा आयोजना गरिएको ‘१८ औँ रोपाई महोत्सव’ लाई आर्थिक सहयोग गरेको बैंकले जनाएको छ ।
बैंकका अनुसार मौलिक तथा सास्कृतीक परम्पराहरुको जगेर्ना गर्ने उद्वेश्यले उक्त कार्यक्रमहरुलाई सहयोग गरिएको हो। साथै, परम्पराको जगेर्ना स्वरुप दहि चिउरा खाने कार्यक्रमको महत्व दर्शाउदै बैंकले आफ्नो केन्द्रीय कार्यालय र सम्पुर्ण शाखा कार्यालयहरुमा दही चिउरा खाने कार्यक्रम आयोजना गरी ‘दही चिउरा खाने दिन’ मनाएको जनाएको छ ।
यस्ता कार्यक्रमहरुले नेपाली समाजको मौलिक कला, सस्कृति, परम्परा तथा कर्मचारीहरू बीच एकताको भावनालाई बढावा दिने विश्वास बैंकले व्यक्त गरेको छ ।
वि.सं.२०८० असार १६ शनिवार ०७:५४ मा प्रकाशित
