Sansar News
काठमाडौं । अभिनेता सारुक ताम्राकार आफ्नै घरमा झुण्डिएको अवस्थामा मृत भेटिएका छन् ।
३२ वर्षीय अभिनेता ताम्राकार बिहीबार साँझ रातोपुलस्थित आफ्नै घरमा मृत फेला परेका हुन् ।
जिल्ला प्रहरी परिसरका प्रवक्ता सीताराम रिजालका अनुसार ३१ वर्षीय ताम्राकार काठमाडौंको रातोपुलस्थित आफ्नै घरमा बिहीबार राति झुण्डिएको मृत भेटिएका हुन् ।
बुवाआमा घरबाहिर रहेका बेला ताम्राकार घरको छिडीमा पासो लगाएर झुण्डिएको अवस्थामा फेला परेको प्रहरीले जनाएको छ ।
झुण्डिएको अवस्थामा मृत भेटिएका ताम्राकारको घटनाका बारेमा प्रहरीले अनुसन्धान गरिरहेको छ । हाल उनको शब पोष्टमार्टमका लागि त्रिवि शिक्षण अस्पतालमा राखिएको छ ।
कलाकार सानु ताम्राकारका छोरा समेत रहेका सारुकले ‘इन्टु मिन्टु लन्डनमा’, ‘मेरी मामु’, ‘रानी’, ‘नमरी बाचे’ लगायतका फिल्ममा अभिनय गरिसकेका छन् । उनी पछिल्लो समय ‘ह्यास ट्याग नामक फिल्ममा अभिनय गरिरहेका थिए । बिहीबार बिहान पनि उनी फिल्मको सुटिङ गरेर फर्किएको बताइएको छ ।
वि.सं.२०८० असार २२ शुक्रवार ०७:५८ मा प्रकाशित
