हामी सबैकाे संसारन्यूज

काठमाडौं । तमु समाज बेल्जियमको अध्यक्षमा होम गुरुङ निर्वाचित भएका छन् ।

शनिबार सम्पन्न संस्थाको १२ औ अधिबेशनले गुरुङको अध्यक्षतामा नयाँ कार्यसमितिको चयन गरेको हो ।

जसको उपाध्यक्षहरुमा राम घले, अनिता घले, सुर्य बहादुर गुरुङ र बबिता तमुस्यो, महासचिवमा चित्रजङ्ग गुरुङ, सचिबमा उमा तमुस्यो, कोषाध्यक्षमा इश्वरी तमुस्यो र सदस्यहरुमा बिना तमुस्यो, माया तमुस्यो, लेखराज गुरुङ निर्विरोध निर्वाचित भएका हुन् ।

बेनेलक्सका लागि नेपाली राजदूत गेहेन्द्र राजभन्डारी र समाजका अबिभावक जोगमान गुरुङले उद्घाटन गरेको उक्त १२ औ अधिबेशनमा एनआरएनए महासचिब जानकी गुरुङ, सचिब गंगाधर गौतम, एनआरएनए बेल्जियमका अध्यक्ष खड्का बहादुर केसी, संस्थाका जेष्ठ सदस्य जोगमान गुरुङ, संस्थापन अध्यक्ष मिन गुरुङ, जनजाती महासंघ बेल्जियमका अध्यक्ष वीरमान मगर लगायतले शुभकामना दिएका थिए ।

तमु समाज बेल्जियमका अध्यक्ष ओमराज गुरुङको अध्यक्षता र महासचिब सुर्य बहादुर गुरुङको संचालन रहेको उक्त कार्यक्रममा राजदूत राजभन्डारीलाई मायाको चिनो र अतिथिहरुलाई गुरुङ संस्कृति अनुसार सम्मान गरिएको थियो ।

त्यसैगरी बन्दशत्रमा संस्थाको आर्थिक प्रतिबेदन पारित तथा संस्थाका गत कार्यकालमा भएका गतिबिधी आगामी कार्ययोजना बारे छलफल गरिएको थियो ।