हामी सबैकाे संसारन्यूज

काठमाडौं । नेकपा एमालेका सचिव योगेश भट्टराईले पारिवारीक पीडा देखाएर जनता र राष्ट्रलाई घात गर्ने छुट प्रधानमन्त्री पुष्पकमल दाहाल ‘प्रचण्ड’ लाई नभएको टिप्पणी गरेका छन् ।

सोमबार बसेको प्रतिनिधि सभाको बैठकमा प्रधानमन्त्री प्रचण्डले भारतीय नागरिक सरदार प्रितम सिंहको पुस्तक विमोचनका क्रममा आफुले बोलेको कुरा प्रधानमन्त्रीको हैसियतमा नभई छोरीको बुवा बनेर भावुकतामा आएर बोलेको भन्दै स्पष्टीकरण दिएपछि सचिव भट्टराईको यस्तो टिप्पणी आएको हो ।

‘छोरी ज्ञानु, छोरा प्रकाश र श्रीमती सीताका बारेमा पुष्पकमल दाहालले बेहोरेको पिडा सँवेदनसील छन् । वहाँका ति पीडामा साहस भर्न सिंगो सदन वहाँलाई साथ दिन तयार छ । तर, प्रधानमन्त्रीका रुपमा वहाँलाई भावनात्मक पक्षलाई अघि सारेर राष्ट्र र जनतालाई घात गर्ने छुट चैं छैन है । हेक्का रहोस् ।

हामीले वहाँको पारिवारिक पिडामा मजाक गरेका होइनौ । हामी अरु केही जस्तो निर्दयी होइनौ र छैनौं । तर, देशको प्रधानमन्त्रीको अभिब्यक्ति र व्यबहारप्रति भने कठोर प्रश्न छन् ।’ भट्टराईले सामाजिक संजालमा यस्तो लेखेका छन् ।