हामी सबैकाे संसारन्यूज

काठमाडौं । हाल देशमा मनसुनी वायुको प्रभाव रहेको छ । मनसुनको न्यून चापीय रेखा पश्चिम तिर सरदर स्थान भन्दा दक्षिण तर्फ तथा पूर्व तिर सरदर स्थान भन्दा उत्तर तर्फ ( नेपाल नजिक) अवस्थित रहेको छ ।

मौसम पूर्वानुमान महाशाखाका अनुसार आज देशभर सामान्य देखि पूर्ण बदली रही सबै प्रदेशका केही स्थानहरूमा हल्कादेखि मध्यम वर्षाको सम्भावना रहेको छ । साथै कोशी, बागमती, गण्डकी र कर्णाली प्रदेशका एक–दुई स्थानमा मेघ–गर्जन/चट्याङ्ग सहित भारी वर्षाको समेत सम्भावना रहेको छ।

त्यस्तै राति पनि सबै प्रदेशका केही स्थानहरूमा हल्का देखि मध्यम वर्षाको सम्भावना रहेको छ ।

महाशाखाका अनुसारअनुसार राति कोशी, मधेश, बागमती, लुम्बिनी र सुदूरपश्चिम प्रदेशका एक–दुई स्थानमा मेघ–गर्जन/चट्याङ्ग सहित भारी वर्षाको समेत सम्भावना रहेको छ। मधेश प्रदेश लगायत कोशी र लुम्बिनी प्रदेशका तराइका थोरै स्थानहरूमा हावा–हुरीको पनि सम्भावना रहेको छ।

त्यसैगरी आज देशका प्रमुख तथा सहायक नदीहरूमा जलसतह सतर्कता तह भन्दा तलै रहेपनि बढ्दो हुने पूर्वानुमान, नदी तटिय क्षेत्रमा सतर्कता अपनाउन अनुरोध गरिएको छ ।

त्यस्तै भोलि बुधबार कोशी र यसका सहायक नदीहरूमा जलसतह उल्लेख्य बढ्ने पूर्वानुमान तथा केही जिल्ला भई बहने केहि स–साना नदीमा आकस्मिक बाढीको जोखिम रहेको पनि बाढी पूर्वानुमान महाशाखाले जनाएको छ ।