Sansar News
काठमाडाैं । सोलुखुम्बुबाट काठमाडौंका लागि उडेको मनाङ एयरको हेलिकप्टर सम्पर्कविहीन भएको छ । मंगलबार बिहान सोलुखुम्बुडबाट काठमाडौंका लागि उडेको हेलिकप्टर सम्पर्कविहीन भएको हो ।
नेपाल नागरिक उड्डयन प्राधिकरणका सूचना अधिकारी ज्ञानेन्द्र भुलका अनुसार हेलिकप्टर १० बजेर १२ मिनेटसम्म सम्पर्कमा थियो । खराब मौसमका कारण लुक्ला विमानस्थल तल सुर्केबाट बिहान करिब १० बजे उडेको मनाङ एयरको ९ एनएएमभी हेलिकप्टर ५–७ मिनेटमा नै सम्पर्कविहीन हुन पुगेको बताइएकाे छ ।
सम्पर्कविहीन भएको हेलिकप्टरमा चालकसहित ६ जना सवार थिए । हेलिकप्टरको खोजी कार्य भइरहेको प्राधिकरणले जनाएकाे छ ।
वि.सं.२०८० असार २६ मंगलवार ११:३४ मा प्रकाशित
