हामी सबैकाे संसारन्यूज

काठमाडौं । विराटनगरमा साइकलमा यात्रा गरिरहेका युवकमाथि कुटपिट गर्ने एकजनालाई प्रहरीले पक्राउ गरेको छ ।

सडकमा साइकलमा हिँडिरहेका मोरङ विराटनगर ६ का २७ वर्षीय पवन शाहलाई कारबाट उत्रिएर एक्कासी कुटपिट गर्ने १९ वर्षीया आयुष भेटवाल, १८ वर्षीय कुशल भेटवाल र तेह्रथुमका ३० वर्षीय रोशन कार्कीमध्ये प्रहरीले आयुषलाई पक्राउ गरेको हो ।

ती मध्ये कुशल र रोशन भने फरार रहेको र उनीहरुको खोजी भइरहेको प्रहरीले जनाएको छ ।

आयुषलाई ज्यान मार्ने उद्योगमा म्याद थप भई कानुनी कारबाही अगाडि बढाइएको प्रहरीले जनाएको छ ।

गत २० गते कारमा सवार उनीहरुले कारबाट उत्रिएर साइकलमा आफ्नो बाटो हिँडीरहेका शाहलाई कुटपिट गरेको भिडियो फुटेज बाहिरीएपछि उनीहरुको क्रुर र अमानवियताको बारेमा सबैतिर आलोचना भइरहेको छ ।