हामी सबैकाे संसारन्यूज

धेरै पटक मानिसहरूले हृदय रोगको प्रारम्भिक लक्षणहरूलाई बेवास्ता गर्छन् र यो लापरवाहीको परिणाम अक्सर घातक हुन्छ।

हृदय रोगबाट मृत्यु हुने प्रत्येक छ मध्ये एक जनामा, मानिसहरूले प्रारम्भिक चेतावनीहरूलाई ध्यान दिन बिर्सन्छन्। बेलायतमा गरिएको एक सर्वेक्षणमा यो कुरा बाहिर आएको हो ।

यस सम्बन्धमा, अनुसन्धानकर्ताहरूले २००६ र २०१० बीच हृदयघात र मृत्युको कारण अस्पतालमा भर्ना भएका बिरामीहरूको सबै घटनाहरु अध्ययन गरे। इम्पेरियल कलेज लण्डनको टोलीले अनुसन्धानमा १६ प्रतिशतमा अस्पतालमा भर्ना भएका बिरामीको २८ दिनभित्र मृत्यु भएको पत्ता लगाएका थिए ।

यी बिरामीहरू सबैले छाती दुखेको बताएका थिए । तर, उनीहरुले आफ्नो दुखाई ध्यान दिएनन् । इम्पेरियल कलेजको स्कुल अफ पब्लिक हेल्थसँग सम्बन्धित अनुसन्धानकर्ताहरूले यस सम्बन्धमा थप अनुसन्धानको ‘अत्यावश्यक आवश्यकता’ रहेको बताएका छन् ।

हृदयाघातका लक्षणहरु यस्ता छन्–

छाती दुख्ने, छातीमा दबाब, मुटुको बिचमा कसिलोपन महसुस हुनु ।

शरीरका अन्य भागहरूमा दुखाइ : छातीदेखि हातसम्म पीडा महसुस हुन सक्छ । सामान्यतया बायाँ हात प्रभावित हुन्छ, तर दुवै हातमा दुखाइ हुन सक्छ । बङ्गारा, घाँटी, ढाड र पेट दुख्ने हुन्छ ।

मनमा बेचैनी हुन्छ । चक्कर लाग्छ ।

शरीर पसिनाले भिज्छ ।

सास फेर्न गाह्रो हुन्छ ।

वाकवाकी लाग्ने, बान्ता होला जस्तो हुन्छ ।

खोकी लाग्ने, सास फेर्न गाह्रो हुने हुन्छ ।

हृदयाघातले प्रायः छाती दुख्ने गर्छ, तर कतिपयले हल्का दुखेको मात्र बताउँछन् । तथापी केही अवस्थामा छाती नदुखेको उदाहरण पनि छन् । विशेषगरी महिला, वृद्ध र मधुमेह भएका व्यक्तिहरूमा। एजेन्सीबाट