हामी सबैकाे संसारन्यूज

काठमाडौं । नेपाली कांग्रेसका सांसद सुनिल शर्माले गृहमन्त्री नारायणकाजी श्रेष्ठ र अर्थमन्त्री डा. प्रकाशरण महतको राजीनामाको माग गरेका छन् ।

सांसद शर्माले प्रतिनिधि सभाको बैठकमा बोल्दै त्रिभुवन विमानस्थलबाट एक क्विन्टल सुन बरामद भएको घटनामा भरिया मात्र पक्राउ परेको र मृख्य दोषी उम्किएको भन्दै मन्त्रीद्धय श्रेष्ठ र महतको राजीनामाको माग गरेका हुन् ।

शर्माले सुन प्रकरणमा गृहमन्त्री र अर्थमन्त्रीले हामीलाई ती चिज थाहा छैन कसरी भयो भन्ने नैतिक अधिकार गुमाइसकेको बताए ।

‘उहाँहरुले भन्नु सक्नुपर्थ्यो, यी भरिया मात्रै होइन, सुन काण्डका मुख्य मालिकलाई हामीले पक्राउ गर्न सक्यौ भन्नु पर्थ्यो ।कि कति समय लिने हो सातदिन भित्रमा मुख्य नाइके पक्राउ गछौं भनेर भन्न सक्नु पर्यो, होइन भने अनुसन्धानको प्रक्रियालाई सहज बनाउन मुख्यत सुनको मालिक पत्ता नलगाउँदा सम्म राजीनामा गरेर प्रजातान्त्रिक सिस्टमलाई सम्मान गर्नुपर्यो ।’

उनले गाउँका भरियालाई कस्डीमा हालेर दोषी उम्काउन नपाउने भन्दै सुन तस्करका मुख्य मालिक पक्राउ नपरे आफु् संसदमै आमरण बस्ने चेतावनी समेत दिए ।