हामी सबैकाे संसारन्यूज

काठमाडौं । आइएमई पेले साउन महिनामा नारीहरूलाई लक्षित गर्दै ‘प्रिटी उत्सव’ नामक अफर सार्वजनिक गरेको छ । सो अफर यही साउन महिनाको दोस्रो सोमबार अर्थात् साउन ८ देखि ३२ गते सम्म चल्ने जनाइएको छ ।

यस अफरमा जित्नु प्रत्येक विजेतालाई प्रिटी क्लिकको रु ५००० को भौचर प्रदान गरिने कम्पनीले जनाएको छ । सो अफरमा भाग लिन सेवाग्राहीले अफर अन्तराल भरि कम्तीमा एक पटक आइएमई पे मार्फत क्यु आर स्क्यान गरी भुक्तानी गर्नुपर्ने उल्लेख छ ।

अफर अन्तराल भरि प्रत्येक पाँच दिन पश्चात् गोला प्रथामार्फत दुई जना विजेता छनौट गरिने छ । विजेताहरूको नाम सामाजिक सञ्जालमार्फत घोषित गरिने कम्पनीले जनाएको छ ।

कम्पनीले जनाएअनुसार सेवाग्राहीले जुनसुकै क्युआरमार्फत भुक्तानी गर्न सक्ने छन् । विजेताहरूले प्रिटी क्लिक मा गएर सो भाउचरको प्रयोग गर्न सक्नेछन् ।

यो अफर आइएमई पेको महिला सेवाग्राहीहरूका लागी मात्र मान्य रहेको जनाइएको छ ।